Трамп жана Мелания Ыйык Иоанн чиркөөсүнө келишти. Жаңы шайланган президенттин жубайынын көйнөгүн Жаклин Кеннеди жактырган көйнөктөргө окшоштуруп жатышат (атүгүл бул фасондун атайын аталышы да бар - Jackie O. Dress).
Трамптын кабинети тууралуу кыскача маалымат. Вашингтон убактысы боюнча саат 12.01де жаңы президент ант бергенден кийин кабинеттеги бардык кызматтар бош болот – Обама администрациясынын мүчөлөрү кызматынан кетүү тууралуу арыз жазышты. Жаңы администрациянын мүчөлөрүн Сенат бекитиши керек (Ак үйдүн администрациясындагы кызматтарды ээлегендер – анын ичинде администрация башчысы Рейнс Прибус жана улуттук коопсуздук боюнча кеңешчи Майкл Флинн Сенаттын уруксатысыз ишке кирише алышат).
Трамптын президенттик кызматтагы алгачкы күнү Сенат болгону эки министрди – Пентагондун жаңы башчысы Жеймс Маттисти жана ички коопсуздук мекемесинин жетекчиси Жон Келлини бекитет деп күтүлүүдө.
Башталды. Трамп салтанаттуу аземге баратат. Ошондон кийин ал АКШнын президенти болот.
