Британиянын жаңы дайындалган тышкы иштер министри Борис Жонсон Түркиядагы окуяларга тынчсызданып турганын Твиттер баракчасына жазды. Британ элчилиги жагдайга көз салып жатканын айтып, бриятаниялыктарды Форин-офистин сайтына жарыялана турган кеп-кеңештерге таянып аракеттенүүгө чакырды.
Politico жана AP маалымат агенттиктери Түркиянын ар кайсы жерлериндеги көчө кагылыштарында 17 полициячы каза тапканын кабарлашты.
Түркия Республикасынын тарыхында аскерий төңкөрүштөр аракеттери бир нече жолу катталган. Өлкөнүн куралдуу күчтөрүндөгү аскерий жетекчилеринин катышуусу менен 1960-жылы, 1980-жылдары бийликти алмаштырган. Ал эми 1971-жылы жана 1997-жылы мындай аракеттер өкмөттөрдү отставкага кетирүүгө мажбурлаган. Бирок акыркы жылдары аскерий жетекчилердин таасири азайып бараткан. 2007-жылы аскерий төңкөрүш жасоого камынган деген шек менен бир нече аскер жетекчилерине иш козголуп, камакка алынган.
Rudaw: полиция TRT телеканалын кайрадан көзөмөлүнө алды, стратегиялык обьектти мурдараак басып алган аскерлер камакка алынды.