Камыш согуп киреше тапкан шыбырандыктар

Кадамжайдын тоо арасындагы Шыбыран айылында айдоо жери тартыш, жумуш жок. Бирок айылдыктар кол куушуруп отуруп калбай бош убактысында камыш токушат. Жергиликтүү эл аны "чий" деп атап алышкан. Жоондугу эле болбосо, камыштын кадимки чийден айырмасы жок. Кийиз кылганга да жарайт. Жашы-кары дебей камыш токуп, кошумча акча тапкан шыбырандыктар менен кабарчыбыз таанышып келди.