Ооганстан: туу көтөрүп акцияга чыккандарга ок атылды

Ооганстандын бир нече аймагында Эгемендик күнүнүн урматына мамлекеттик тууну көтөрүп, демонстрацияга чыккандарга ок атылганы кабарланды. Бул тууралуу Reuters агенттиги күбөлөрдүн айтканына таянып, маалымат таратты. Анда күбөлөр бир нече адамдын каза болгонун кабарлашкан. Алар октонбу же адамдар качкан учурда “сүрмө топтун” алдында калып жан бергенби белгисиз.