Аялдар укугу карикатурада

Бишкектеги Касымалы Баялинов атындагы китепканада француз сүрөтчүлөрүнүн аял укуктарына арналган көргөзмөсү ачылды. Бул көргөзмө Европадагы Коопсуздук жана Кызматташтык Уюмунун Парламенттик ассамблеясынын Бишкекте өтүп жаткан жыйынынын алкагында ачылып, анда француз басылмаларында жарыяланган сатиралык сүрөттөр басымдуулук кылды. Көргөзмөнүн ачылышына Франциянын Кыргызстандагы элчиси Микаэль Ру, Кыргызстандын экс-президенти Роза Отунбаева баштаган өкүлдөр катышты.