Жалал-Абад обладминистрациясын басып алгандар имаратты бошотуп, мурдагы жетекчиликке өткөрүп беришти.
— Sanjar Eraliev (@sanjarbeke) 5 июня 2013 г.
Кабарчыбыз Ырыспай Абдраимовдун маалымдашынча, облустук акимчиликтин короосундагы митинг аяктады. Анда өкмөт башчысы Сатыбалдиев нааразылык акцияга чогулгандар менен сүйлөшүп, мыйзамды сыйлоого чакырды. Камактагы депуттардын ишин сот чечерин, өзү сот чечимине таасир эте албасын айтты. Азыр өкмөт башчы нааразылык акцияга чогулгандардын алты өкүлү менен өзүнчө жолугуп жатат.
Митингге болжол менен миңдей адам катышты. Учурда имараттын ичинде жана короосунда 100 чакты адам турат. Алар “Ата-Журт” фракциясынын камактагы депутаттарын бошотууну талап кылууда. Эгер талаптар аткарылбаса ар кандай нааразылык апкциялар уланарын, кайра жол тосуларын эскертишти. (EBM/YA)
Атамбаев Сузакка өзгөчө абал жарыяланышы ыктымалдыгын айтты
Бүгүн президент Алмазбек Атамбаев күч түзүмдөрүнүн жетекчилери менен жолугуп, Жалал-Абаддагы кырдаалды талкуулады. Президент анда баш аламандыкты, жол тосууну уюштургандар жазаланышы керектигин эскертти. Эгер Сузакта митингчилердин мыйзамсыз, башка жарандардын укугуна доо келтирген аракеттери токтобосо аймакка өзгөчө абал жарыяланышы ыктымалдыгын айтты.
Буга чейин өзгөчө абал Ысык-Көлдүн Жети-Өгүз районунда Кумтөргө байланыштуу нааразылык акциялар, аны менен коштолгон калайман баш аламандыкты жөнгө салуу үчүн өзгөчө абал жарыяланган болчу. (EBM)
Митингге топтолгондор 1000ден ашат. Бирок "алар эч кандай башаламандык кылбайбыз, депутаттар чыкмайынча тынчтык митингин улантабыз" дешти...
— Sanjar Eraliev (@sanjarbeke) 5 июня 2013 г.