"Азаттыктын" кабарчылары 2-майда жаңжал болгон Максат айылында болуп, айылдагы өрттөнгөн үйлөрдү, талкаланган жалгыз мектепти сүрөткө тартып алышкан. Кыргызстандын Өзгөчө кырдаалдар министрлиги 2-майда, Максат айылында 11 үй, Максат чер ара бекети жабыркаганын билдирди.
Жаңжалда жабыркаган Максат
Кыргыз-тажик чек арасындагы соңку жаңжалдан Баткен облусунун Тажикстан менен чектеш аймактарындагы айылдарда жалпы 78 үй, эки мектеп, бир акушердик-фельдшердик пункт, бир балдар бакчасы, 10 май куюучу жай, сегиз дүкөн, үч чек ара бекети жана Ички иштер министрлигинин бир имараты жабыр тарткан.
28-апрелде кыргыз-тажик чек арасында чыр чыгып, 29-30-апрелде Баткен жана Лейлек райондорундагы чек арада атышуу болуп, ондогон үй, имараттар өрттөлдү. Кыргыз-тажик чек арасындагы кагылыштарда 34 адам каза тапты. Жараат алгандардын саны 178 кишиге жетти.