Каныбек Иманалиев: 1961-жылы кабыл алынган Вена конвенциясынын негизинде эл аралык эрежелер бузулду.
Айсулуу Мамашева: Орхан Инанды аябай кыйноо көргөнү байкалды. Биз тараптан медициналык жардам берилеби? Кандай жардам бере алабыз эл аралык мыйзамдардын негизинде.
Тышкы иштер министринин биринчи орун басары Нуран Ниязалиев: Кыргыз жараны болгондон кийин Инандыны кайтарып келүүгө аракет кылабыз. Ага адамгерчиликтүү мамиле жасоону талап кылдык. Кечээ элчи аны менен жолуктурууну суранды. Биздин эл аралык макулдашууга ылайык, кыргыз жаранына жолугууга аракет кылабыз.
Айсулуу Мамашева: Өз өлкөбүздөн салып бергенден кийин менде сөз жок. Уурдатып жибердиңер. Өз өлкөбүздө коргой албасак кантип коргой алабыз? Колубуздан келеби? Эл аралык келишимдерди тебелеп биздин жаранды чыгарып кетти го.
Талант Мамытов: Мурда ушундай маалыматтар болгонбу? Инандыны уурдоого байланыштуу маалыматтар түшкөнбү?
УКМКнын жетекчисинин биринчи орун басары Рустам Мамасадыков: Буга чейин ал кишиге маалыматтар берилген, эскертилген.
Талант Мамытов: Дайыма эле жансакчы менен жүргөнбү?
Рустам Мамасадыков: Дайыма эле жүргөн экен. Демек билген экен да.