Бозгундардын жылдагыдан көп келүүсү Евробиримдиктин байдөөлөт мамлекеттерин коогага салууда. Германия, Франция жана Италия мигранттарды калыс бөлүштүрүү боюнча Евробиримдиктин 25 жыл мурда бекитилген эрежесин өзгөртүүгө чакырышты. Качкындар маселесин Евробиримдикке мүчө 28 мамлекеттин Тышкы иштер министрлери 4-5-сентябрда Люксембургда талкуулашат. Качкындарды кабыл алуу боюнча Германияда кандай иштер жүрүүдө? Бозгун-мигранттарды кабыл алууга бардык эле германиялыктар макулбу? Бул жөнүндө Германиянын Бавария жериндеги автомобиль жасоочу айтылуу “Ауди” компаниясынын инженери Айбек Мамбеталиев менен маектештик.
