Баткенде, кыргыз-тажик чек ара тилкесинде чыр жыккан жерде кырдаалды Улуттук коопсуздук боюнча мамлекеттик комитеттин (УКМК) төрагасынын биринчи орун басары, Чек ара кызматынын директору Уларбек Шаршеев көзөмөлдөп жатат. Бул тууралуу 29-апрелде УКМКнын басма сөз кызматы кабарлады.
Мекеменин маалыматына караганда, “29-апрелде саат 14.00дө Тажикстандын чек ара аскерлери жана Ички иштер министрлигинин атайын багыттагы аскерлери Баткен облусунун Баткен районундагы Көк-Таш айылында жайгашкан «Головной» суу тосмо жайында миномет, пулемёт жана автомат менен жапырт аткылоо башташты. Уларбек Шаршеев кырдаалды координациялап, тажик чек арачылары козгогон куралдуу чыр-чатакты басуу боюнча чара көрүп жатат”.
28-апрелде Баткен районунун Ак-Сай айылындагы Ак-Суу дарыясында жайгашкан башкы (“Головной”) суу бөлүштүрүүчү жайдын тилкесинде кагылыш болгон. 29-апрелде атышуу уланды.
Коңшу өлкөнүн чек ара мекемеси чырды кыргыз тарап баштаганын билдирди.
Улуттук коопсуздук боюнча мамлекеттик комитеттин (УКМК) төрагасы Камчыбек Ташиев Германияга кетип, Баткендеги окуяга байланыштуу кайра Кыргызстанга кайтканын билдирди. 29-апрелде ал “Фейсбуктагы” баракчасына “28-апрелде ден соолугумду каратуу үчүн Германияга учуп кеткен элем, бирок бүгүнкү Баткендеги окуяларга байланыштуу кайрадан артка учуп чыктым, ооруканага жетпей кайттым, буюрса түнү менен жетип барам” деп жазды.
Бир аз мурдараак УКМКнын басма сөз кызматы Ташиев 28-апрелде дарылануу үчүн чет өлкөгө учуп кеткенин кабарлаган. Ал кайсы өлкөгө кеткени так айтылган эмес.
28-апрелде Кыргызстандын Тажикстан менен чектеш аймагында, Баткендин Ак-Сай айылындагы Ак-Суу дарыясында жайгашкан башкы (“Головной”) суу бөлүштүрүүчү жайдын тилкесинде кагылыш болуп, кыргыз тараптан төрт, тажик тараптан жети адам жараат алганын эки өлкөнүн Чек ара кызматтары билдирген.
29-апрелде да жаңжал уланып, Кыргызстандын Чек ара кызматы “Тажикстандын чек ара аскерлери жана Ички иштер министрлигинин атайын багыттагы аскерлери «Головной» суу тосмо жайында миномет, пулемет жана автомат менен жапырт аткылоо башташты” деп билдирди.
Коңшу өлкөнүн чек ара мекемеси чырды кыргыз тарап баштаганын айтууда.
Бүгүн 29-апрелде Жогорку Кеңеш чукул жыйынга чогулуп, кыргыз-тажик чек арасындагы соңку окуяны жабык карап жатат. Бул тууралуу парламент депутаты Жанарбек Акаев “Азаттыкка” ырастады.
Айрым бир маалыматтарга караганда, анда президент Садыр Жапаровду парламентке чакыруу сунушталды, ошондой эле өкмөт башчы Улукбек Мариповду кызматтан алуу демилгеси көтөрүлдү.
"Азаттыктын" Баткендеги кабарчысынын айтымында, кыргыз-тажик чек арасында ок атышуу токтой элек. Буга чейин төрт кыргызстандык жараат алып, ооруканага түшкөн. Тажикстандын чек ара мекемеси жети жаранына таш тийгенин билдирген.
Улуттук коопсуздук боюнча мамлекеттик комитеттин (УКМК) маалыматына ылайык, Баткенде, кыргыз-тажик чек ара тилкесинде чыр жыккан жерде кырдаалды Чек ара кызматынын директору Уларбек Шаршеев көзөмөлдөп жатат.
Мекеменин маалыматына караганда, “29-апрелде саат 14.00дө Тажикстандын чек ара аскерлери жана Ички иштер министрлигинин атайын багыттагы аскерлери Баткен облусунун Баткен районундагы Көк-Таш айылында жайгашкан "Головной" суу тосмо жайында миномет, пулемёт жана автомат менен жапырт аткылоо башташты.
Окуяга байланыштуу бүгүн, 29-апрелде Бишкекте активисттер митинг өткөрдү. Алар УКМКнын төрөгасы Камчыбек Ташиев элдин алдына чыгып кылдаалды түшүндүрүп беришин талап кылышты.
Атайын кызматтын төрөгасы Камчыбек Ташиев дарылануу үчүн өлкөдөн чыгып кеткенин бүгүн, түштөн кийин УКМКдан билдиришти.