Президент Садыр Жапаров 30-апрелде кыргызстандыктарга Баткен облусундагы мамлекеттик чек аранын кыргыз-тажик тилкесиндеги окуяларга байланыштуу кайрылуу жасады.
Өз сөзүндө ал “калабалуу окуялар айрым чагымчыл күчтөрдүн кесепетинен улам башталып кеткенин” айтып, ал кайсы күчтөр экенин атаган жок.
Чек ара тилкесин аныктоо – карапайым элден да, жетекчиликтен да өтө аярлыкты жана тыкан ишти талап кылган маселе экенин, мындай олуттуу маселелер тынчтык сүйлөшүүлөрү аркылуу гана чечилип келгенин белгиледи.
“Тилекке каршы, - деди Жапаров, - куралдуу кагылышуунун аягы карапайым адамдардын тынч жашоосун бузуп, адам өмүрүнө жана экономикалык чыгымга алып келди. Эки тараптан тең чоң жоготуулар болду”.
Президент жакындарынан айрылгандарга терең кайгыруу менен көңүл айтып, “Мекен чегин коргоодо жан аябай салгылашып курман болгон жоокерлердин эрдигине таазим этем” деди.
Жапаров бардык тараптарды тынчтыкка чакырып, бүгүн Тажикистандын президенти Эмомали Рахмон менен сүйлөшкөнүн, “чек ара жана башка маселелерди тынчтык жана сүйлөшүү жолу менен чечип алалы” деп келишкенин кошумчалады.
28-апрелде кыргыз-тажик чек арасында чыккан чырдан кийин абал курчуп, Баткен жана Лейлек райондорунда атышуу болду, 29-апрелде үйлөр жана имараттар өрттөлдү, 20 миңдей жай тургун эвакуацияланды.
Жараат алган кыргызстандыктардын саны 154, каза болгондор 31 экени 30-апрелде саат 18де маалымдалды.
Баткен облусунун Ош-Баткен-Исфана автожолунун Төрт-Көчө бөлүгү ачылып, каттам калыбына келди. Бул тууралуу 30-апрелде саат 21:00дө облустук администрациянын басма сөз кызматы кабарлады.
Маалыматка караганда, тажик тарап Баткен районунун Кызыл-Бел айылында жайгашкан “Кызыл-Бел” чек ара бекетинен жана Тажикстандын “Гулистон” чек ара бекетинен куралдуу күчтөрүн алып чыгып кетти.
Ошондой эле Тажикстандын негизги бөлүгүн Ворух анклавы менен байланыштырган Исфара-Ворух жолу да ачылды.
Кыргыз-тажик чек ара тилкесинде жайгашкан Төрт-Көчө участогунан Баткен-Исфана автожолу өтөт. Ворух – Тажикстандын Кыргызстандагы анклавы.
Баткен облусунун бийлиги аймакта абал турукташып жатканын билдирди.
Баткен облусунун башчысы Өмүрбек Суваналиев менен Тажикстандын Согд облусунун башчысы Раджоббой Ахмадзоданын сүйлөшүүлөрүнүн натыйжасында эки тараптан атайын комиссия түзүлүп, кырдаалды турукташтыруу боюнча ыкчам иштер жүргүзүлүп жатканы маалымдалды.
28-апрелде кыргыз-тажик чек арасында чыккан чырдан кийин абал курчуп, Баткен жана Лейлек райондорунда атышуу болду, 29-апрелде үйлөр жана имараттар өрттөлдү, 20 миңдей жай тургун эвакуацияланды.
Жараат алган кыргызстандыктардын саны 154, каза болгондор 31 экени 30-апрелде саат 18де маалымдалды.
Тажикстандын бийлиги жабыркагандары тууралуу расмий маалымат бере элек, журналисттери 90 адам жараат алып, 12 каза болгонун билдирүүдө.
Кыргызстан менен Тажикстан чек арада түзүлгөн кырдаалга байланыштуу комиссия түзүп, абалды жөнгөрүү аракетин көрүп жатышат. Бул тууралуу 30-апрелде “Азаттык” радиосуна өкмөттүн Баткен облусундагы ыйгарым укуктуу өкүлү Өмүрбек Суваналиев билдирди.
Анын айтымында, комиссиянын курамына ар бир тараптан төрттөн адам кирди, алар күч түзүмдөрүнүн жана жергиликтүү бийликтин өкүлдөрү.
Суваналиев билдиргендей, комиссия барымтага алынган адам тууралуу маалыматты тактоо, соңку окуяларга байланыштуу буулган жолдорду ачуу боюнча иш жүргүзүүдө:
“Төрт-Көчөдөгү жолго шагыл төгүлүп, Лейлек жакка кетчү жол жабылып калбады беле. Биз комиссия түзүп жолукканда ошол маселе көтөрүлүп, комиссия барып келди. Ачылат. Ошондой эле Ворухка кетчү электр зымдарынын баары өчүрүлүп калган, ошону коюп бергиле деп суранышты. Биз макул болуп, коюп беребиз дедик".
Суваналиев аймактагы абалды азыр туруктуу деп атоо мүмкүн эмес экенин билдирип, материалдык чыгым тактала баштаганын кошумчалады.
Кыргыз-тажик чек ара тилкесинде жайгашкан Төрт-Көчө участогунан Баткен-Исфана автожолу өтөт. Ворух – Тажикстандын Кыргызстандагы анклавы.
28-апрелде кыргыз-тажик чек арасында чыккан чырдан кийин абал курчуп, Баткен жана Лейлек райондорунда атышуу болду, 29-апрелде үйлөр жана имараттар өрттөлдү, 20 миңдей жай тургун эвакуацияланды.
Жараат алган кыргызстандыктардын саны 154, каза болгондор 31 экени 30-апрелде саат 18де маалымдалды.
Кыргыз-тажик чек ара тилкесиндеги кагылышууда жабыркагандардын 25и Бишкектеги ооруканаларга жиберилди. 30-апрелде Лейлек райондук ооруканасы абалы оор жети бейтапты баш калаага учак менен жиберди. Алардын баары тең куралдуу кагылышта жарадар болгон. Исфанадагы райондук оорукананын башкы дарыгери Алымкул Абдиев жараат алган жана үй-жайын таштап качып келген жарандардын абалы, райондогу кырдаал тууралуу “Азаттыкка” айтып берди.
