Украина 21-июлда Одессадагы агроишканаларга, дан сакталган кампаларга чабуул болгонун, 120 тонна буудай менен арпа өрттөнүп кеткенин, бир топ айыл чарба техникалары жабыркаганын билдирди.
Одесса облусунун башчысы Олег Кипер 21-июлда таңга маал Орусиянын армиясы "Калибр" үлгүсүндөгү ракеталар менен аткылаганын, чабуулда эки адам жабыркаганын кабарлады.
19-июлга караган түнү Орусия Одесса портун аткылап, Кытайга жөнөтүлгөнү жаткан 60 миң тонна эгин жок кылганын Украинанын президенти Владимир Зеленский билдирди.
