Арстанбап: элди баккан токой

Кыргызстанды дүйнө элине тааныткан жер жөнүндөгү тасманы сунуш кылайын. Түштүктө Жер планетасындагы эң ири жана кооз жаңгак токою - Арстанбап жайгашкан. Тоо коюнундагы ажайып кооз токой Базар-Коргон районуна караштуу жана анын айланасында турган эл жаңгак терип жан багат. Күз келгенде эл жабыла иштеп, жыйнаган түшүмүн шаарга сатат. Борбор Азиядагы эң ири жаңгак базары ушул кезде бака-шака түшүп, соода кызыйт. Бирок жаңгак дарактары картайып, суюлган кези. Токойдун айланасында жашаган жергиликтүү элдин малы көбөйгөнү жаш көчөттөрдүн бүчүр алышына жол бербей жеп жатканы ойго саларлык көрүнүш.