Ала-Тоо аянтындагы Нооруз салтанаты алгач шаар бийлигинин өкүлдөрүнүн куттуктоосу менен ачылып, ак калпакчан аталар, ак элечек энелер алас айтып, бүгүнкү майрамдын маани-мааңызы тууралуу сүйлөштү. Күндүн сууктугуна байланыштуу аянтка жылдагыдай көп сандагы эл чогулган жок. Аянт четинде спорттук мелдештер өтүп, сүмөлөк кайнатылды.
Сүмөлөк кайнатууга чогулган ондогон шаардыктарга жашы 60тан өйдөлөп калган Асылбүбү эне, анын тарыхын, даярдоо ыкмасын айтып жатты:
- Сүмөлөк үчүн даярдалган арпанын жашыл чөбүнүн пайдасы жакшы. Сүмөлөктүн касиети мына ушунда. Анын тарыхына токтолсом, илгери бир кемпир балдары ач калып, айла жок ташты казанга кайнаткан экен. Таш эрип, аларга тамак болгон экен. Ошон үчүн сүмөлөктү токчулук болсун, молчулук болсун деп кайнатышат.
Асылбүбү эненин айтымында, жакшы ниет менен даярдалган сүмөлөктү сатууга мүмкүн эмес. Кимдин сүмөлөк кайнатууга шарты болуп, аны даярдаган соң кошуналарга, айылдаштарга ооз тийгизип сооп алууга болот. Бирок аянттын четиндеги жолду ката отурган ондогон аялдар чакан идиштерге атайын сүмөлөк даярдап, сатып жатышканын көрүүгө болот.
БУУ: 21-март - Эл аралык Нооруз күнү
Бириккен Улуттар Уюмунун Башкы ассамблеясы 21-мартты Эл аралык Нооруз күнү деп тааныган. БУУнун Башкы Ассамблеясына мындай долбоор Тажикстан, Азербайжан, Ооганстан, Казакстан, Кыргызстан, Иран, Түркмөнстан жана Түркиянын делегациялары тарабынан даярдалып сунуштулган эле. Ал эми Нооруз майрамы 2009-жылдын 30-сентябрында ЮНЕСКОнун адамзаттын материалдык эмес мурастары репрезентативдүү тизмесине 79 элементтин бири катары катары кирген.
Бүгүн Нооруз майрамы Ала-Тоо аянтынан сырткары Бишкектеги бир катар жогорку окуу жайларда, кичирайондордо, ал тургай көп кабатуу үйлөрдө да белгиленип, сүмөлөк кайнатылып, түрдүүчө оюн-зооктор менен коштолууда.
Өлкө президенти Курманбек Бакиев кыргыз элин Нооруз майрамы менен Ош шаарынан куттуктады.
Сүмөлөк кайнатууга чогулган ондогон шаардыктарга жашы 60тан өйдөлөп калган Асылбүбү эне, анын тарыхын, даярдоо ыкмасын айтып жатты:
- Сүмөлөк үчүн даярдалган арпанын жашыл чөбүнүн пайдасы жакшы. Сүмөлөктүн касиети мына ушунда. Анын тарыхына токтолсом, илгери бир кемпир балдары ач калып, айла жок ташты казанга кайнаткан экен. Таш эрип, аларга тамак болгон экен. Ошон үчүн сүмөлөктү токчулук болсун, молчулук болсун деп кайнатышат.
Асылбүбү эненин айтымында, жакшы ниет менен даярдалган сүмөлөктү сатууга мүмкүн эмес. Кимдин сүмөлөк кайнатууга шарты болуп, аны даярдаган соң кошуналарга, айылдаштарга ооз тийгизип сооп алууга болот. Бирок аянттын четиндеги жолду ката отурган ондогон аялдар чакан идиштерге атайын сүмөлөк даярдап, сатып жатышканын көрүүгө болот.
БУУ: 21-март - Эл аралык Нооруз күнү
Бириккен Улуттар Уюмунун Башкы ассамблеясы 21-мартты Эл аралык Нооруз күнү деп тааныган. БУУнун Башкы Ассамблеясына мындай долбоор Тажикстан, Азербайжан, Ооганстан, Казакстан, Кыргызстан, Иран, Түркмөнстан жана Түркиянын делегациялары тарабынан даярдалып сунуштулган эле. Ал эми Нооруз майрамы 2009-жылдын 30-сентябрында ЮНЕСКОнун адамзаттын материалдык эмес мурастары репрезентативдүү тизмесине 79 элементтин бири катары катары кирген.
Бүгүн Нооруз майрамы Ала-Тоо аянтынан сырткары Бишкектеги бир катар жогорку окуу жайларда, кичирайондордо, ал тургай көп кабатуу үйлөрдө да белгиленип, сүмөлөк кайнатылып, түрдүүчө оюн-зооктор менен коштолууда.
Өлкө президенти Курманбек Бакиев кыргыз элин Нооруз майрамы менен Ош шаарынан куттуктады.
