Лукашенка терактка өкмөттүн тиешеси жок деди

Беларус президенти Александр Лукашенка Минск метросундагы жардырууга мамлекеттин тиешеси жок деп билдирди.
Ишембидеги (16-апрелдеги) сыналгы кайрылуусунда Лукашенка “макоолор гана теракт үчүн өкмөттү айыптай алышат" деди.
Интернеттеги айрым блоггерлер 13 кишинин жанын кыйган жардыруу бийликтик кутум болушу ыктымал деген ойлорун жазып чыгышкан. Терроризм боюнча эксперттер кол салуунун себептерин аныктоо кыйын дешет.
Бийлик жардырууга байланыштуу 5 киши кармалганын билдирген.