Бекназаров президенттин парламенттеги өкүлү болуп дайындалды

Президенттин басма сөз кызматы маалымдагандай, Азимбек Бекназаров президент Роза Отунбаеванын Жогорку Кеңештеги ыйгарым укуктуу өкүлү болуп дайындалды.

Азимбек Бекназаров апрель ыңкылабынан кийин Убактылуу өкмөттүн, азыркы өкмөт түзүлгөнгө чейин техникалык өкмөттүн мүчөсү болуп иштеген. Президенттин парламенттеги өкүлү кызматын буга чейин Аида Салянова аркалап келген. Ал өткөн аптада Башкы прокурордун милдетин аткаруучу болуп дайындалган. (KKs)