Голландиялык ашынган улутчул саясатчы Гирт Уилдерстин ишин кароо Амстердам сотунда уланат. Иммигранттарга каршы турумдагы "Эркиндик" партиясынын лидери исламды фашизм менен салыштырып, ыйык куранга тыюу салууга үндөгөн сөздөрү үчүн расалык негиздеги дискриминация жана мусулмандарга каршы жек көрүүчүлүккө жем таштагандыгы үчүн айыпталууда. Уилдерс анын комментарийлери саясий талкуунун мыйзамдуу бир бөлүгү экенин айтып, ага тагылган кинени четке кагууда. Айрымдардын ырастоосунда, анын сөздөрү Голландиядагы мусулмандардын дискриминациясын күчөттү.
