"Согушка баргым келбейт". Кыргыз паспортуна кызыккандар

Орусиянын паспортун алуу бир учурда борборазиялык мигранттарга жакшы маяна алууга, ылайыктуу жумуш табууга, социалдык колдоого, ашыкча текшерүүдөн кутулууга болгон аргасыздык эле. Эгемендик жылдарында жүз миңдеген кыргызстандык Орусияга иштегени кетип, кийин орус паспортуна ээ болду. Бирок соңку эки жылдагы Орусиядагы аскердик мобилизация, мигранттарды бутага алган тынымсыз рейддер, жалпы эле чет элдиктер кабылган кысым, эл аралык санкциялар орус паспортунун кадырын кыйла түшүрүп койду. Миңдеген кыргыз мигрантты мекенине кайтып келип, кыргыз паспортун ала баштады. Кыргыз паспортуна кимдер, эмне үчүн кызыгууда?