Президент Жо Байдан ноябрга белгиленген шайлоого барбай турганын расмий жарыялагандан кийин, демократтар анын ордуна Харристи көрсөтүшү мүмкүн. Байден өзү да анын талапкерлигин колдой турганын жарыялады.
АКШ: Вице-президент Харристин саясаттагы жолу
Камала Харрис Америка Кошмо Штаттарынын вице-президенттигине чейин жеткен теги түштүк азиялык алгачкы аял катары тарыхка кирди. Ал мурдагы юрист, штаттын башкы прокурору жана сенатор.
1
Камала Харрис 2019-жылы кичи мекени - Калифорния штатынын Окленд шаарынан вице-президенттикке талапкер катары ат салышкан.
Харрис 59 жашта.
Харрис 59 жашта.
2
Харристин атасы ямайкалык, апасы Индиядан. Жыл башында ал Instagram баракчасына минтип пост жазган:
"Апам, доктор Шямала Гопаландын жашоодогу эки максаты бар болчу: эмчек рагын айыктыруу жана эжем экөөбүздү чоңойтуу. Мен аны күн сайын сагынам, ар дайым оюмда. Анын кызы экениме сыймыктанам. Бактылуумун. Энелер күнү кут болсун!".
"Апам, доктор Шямала Гопаландын жашоодогу эки максаты бар болчу: эмчек рагын айыктыруу жана эжем экөөбүздү чоңойтуу. Мен аны күн сайын сагынам, ар дайым оюмда. Анын кызы экениме сыймыктанам. Бактылуумун. Энелер күнү кут болсун!".
3
2011-жылдын 17-февралы. АКШнын ошол кездеги президенти Барак Обама (ортодо) Калифорниянын вице-губернатору Гэвин Ньюсом (солдон экинчи) жана Сан-Франциско шаарынын мэри, Калифорниянын башкы прокурору Эдвин Ли (оңдо) менен.
Харрис карьерасын Сан-Францисконун округдук прокурору болуп иштөөдөн баштаган. Бул кызматты 2004-жылдан 2011-жылга чейин аткарып, Калифорниянын башкы прокурору болуп дайындалган.
Харрис карьерасын Сан-Францисконун округдук прокурору болуп иштөөдөн баштаган. Бул кызматты 2004-жылдан 2011-жылга чейин аткарып, Калифорниянын башкы прокурору болуп дайындалган.
4
Калифорниянын башкы прокурору болуп турганда (2011–2017) Харрис сот тармагын реформалоо, айлана-чөйрөнү коргоо жана никедеги тең укуктуулукка көңүл бөлгөн.
5
Харрис 2012-жылдын 5-сентябрында Түндүк Каролина штатынын Шарлотта шаарында өткөн Демократиялык партиянын улуттук конгрессинде сүйлөгөндөн кийин башкы прокурор катары атагы чыккан. Анын спикер болуп шайланышы партиянын ичиндеги таасири өсүп жатканын айгинелеген.
6
2013-жылдын 30-июну, Сан-Франциско. Харрис парад учурунда.
Ал ЛГБТнын ачык жактоочусу. 2008-жылы АКШнын Жогорку сотунан бир жыныстуулардын никесине тыюу салган чечимди жокко чыгарууну талап кылган. Анын аракети менен 2013-жылы Жогорку сот бул багытта аппеляциялык даттанууну четке каккан. Бул иш жүзүндө Калифорнияда бир жыныстуу никени мыйзамдаштыруу болуп калган.
Ал ЛГБТнын ачык жактоочусу. 2008-жылы АКШнын Жогорку сотунан бир жыныстуулардын никесине тыюу салган чечимди жокко чыгарууну талап кылган. Анын аракети менен 2013-жылы Жогорку сот бул багытта аппеляциялык даттанууну четке каккан. Бул иш жүзүндө Калифорнияда бир жыныстуу никени мыйзамдаштыруу болуп калган.
7
2014-жылдын октябры. Лос-Анжелестеги окгругдук соттогу атайын программанын бүтүрүүчүлөрү менен жолугушуу. Харрис ал кезде башкы прокурор болчу.
8
Харрис Сенаттагы угууларда курч суроолору менен белгилүү болгон. Калифорниядан (2017-2021) сенатор, ошол кездеги президент Доналд Трамптын сунушу менен Жогорку сотко талапкерлигин койгон Бретт Каваного суроо берип жатат.
9
Харрис жана сенатор Кори Букер Сенаттын Укук комитетиндеги угуулар учурунда. 16-июнь, 2020-жыл. Ошол мезгилде ал Жорж Флойддун өлтүрүлүшү жана полициянын ырайымсыздыгына каршы улуттук нааразылык акцияларынан кийин укук коргоо органдарын реформалоо керектигин айтып келген.
10
Харрис Байден менен Милуокиде. Висконсин штаты, 20-август, 2020-жыл. Алар бул күнү АКШнын вице-президенти жана президенти кызматына өздөрүнүн партиясынын талапкер болгон.
11
Харрис Байден менен 2020-жылдын августунда Делавэр штатындагы Уилмингтон шаарындагы Алексис Дюпон орто мектебинде өткөн үгүт иш-чарасында.
12
Мумбай, Индия, 2020-жылдын 8-ноябрында Байден менен Харрис шайлангандан кийин жол боюна коюлган плакаттар.
Харрис теги азиялык, афроамерикалык алгачкы вице-президент.
Харрис теги азиялык, афроамерикалык алгачкы вице-президент.
13
Харрис Америка Кошмо Штаттарынын вице-президенти катары ант берүүдө. Күйөөсү Дуг Эмхофф Библияны кармап турат. Байдендин АКШнын 46-президенти жана Харристин вице-президенттик кызматка киришүү алдындагы инаугурациясы 2021-жылдын 20-январында Вашингтондогу Капитолий имаратынын алдында өткөн.
14
Харрис (солдо) жана АКШ Конгрессинин спикери Нэнси Пелоси 2022-жылдын 21-декабрында Конгресстин биргелешкен жыйынында Украинанын президенти Владимир Зеленский Бахмуттан алып келген украин желегин кармап турушат.
15
2024-жылдын 7-марты. Капитолий. Байден Конгресстин биргелешкен сессиясында сүйлөгөн учурда артта кол чаап турат.
16
Камала Харрис Байден Түндүк Каролинада сүйлөгөндөн кийин аны кучактап турат. 26-март, 2024-жыл. Байден менен Трамптын теледебатынан кийин Харристин ысымы саясатта көп атала баштады.
