Таластын Сары-Булак айылынын айрым тургундары айылдашын Казакстандан аткезчилик жол менен мал өткөргөн деп айыпташууда. Ал жаран миңден ашык кой өзүнө тийиштүү экенин айтып, Курман айтта сатаарын билдирген. Бул окуяны милиция териштирип жатат. Ал эми чек ара кызматы мындай фактылар катталып жатканын, бирок малдын ээсин аныктай турган документ болбогон соң коё берүүгө аргасыз болушарын белгилөөдө. Окуяга аймактагы кабарчыбыз Максат Кутманбеков күбө болуп келди.
Facebook шеринеси