16-июнда Курман айт намазы Кыргызстандын бардык аймактарында мечиттерде окулду. Аянттарда окууга коопсуздуктан улам уруксат берилген жок.
Бишкектеги борбордук мечитте окулган Айт намазга президент Садыр Жапаров катышканы кабарланды. Айт намазга катышты. Социалдык тармактарда Улуттук коопсуздук боюнча мамлекеттик комитеттин төрагасы Камчыбек Ташиев да мечитте Айт намаз окугандардын катарында отурган сүрөтү тарады.
Курман айт, ислам эрежелерине ылайык, Орозо айттан 70 күндөн кийин, ажылык зыяраттын соңунда белгиленет. Кыргызстандык зыяратчылар быйылкы ажылык сапарга 31-майдан тарта кете баштаган.
Быйыл Орозо айт 10-апрелде белгиленген. Орозо айт намазы да коопсуздуктан улам облус, шаарлардын аянттарында эмес, мечиттерде гана окулду.
Бир канча жылдан бери Айт жана Курман айт намазы Бишкектин эски аянтында, облус борборлорундагы аянттарда окулуп, ага он миңдеген кишилер катышып келген.(ZKo)
