Шашылыш билдирүү
Кыргызгидромет кызматы билдиргендей, 19-20-май күндөрү нөшөрлүү жаан-чачынга байланыштуу Чүй, Талас, Ош, Жалал-Абад жана Баткен облустарынын тоолуу жана тоо этектериндеги райондорунда сел жүрүшү мүмкүн, республиканын дарыяларында суунун деңгээли көтөрүлүшү күтүлөт.
Аба ырайы
20-майга караган түнү Ысык-Көл облусунун көпчүлүк аймактарында, Чүй, Талас облустарынын айрым жерлеринде, Жалал-Абад облусунун тоолуу райондорунда жаан жаап, күн күркүрөшү, бийик тоолуу райондорунда кар жаашы мүмкүн. Жалал-Абад облусунун дыйканчылык аймактарында жана Ош, Баткен, Нарын облустарында жаан-чачын жок.
Күндүз Чүй, Талас, Ысык-Көл облустарынын көпчүлүк аймактарында, Нарын облусунун айрым жерлеринде, Ош, Жалал-Абад, Баткен облустарынын тоо этектеринде жана тоолуу райондорунда жаан жаап, күн күркүрөшү, бийик тоолуу райондорунда кар жаашы, Чүй, Талас, Ысык-Көл облустарынын айрым жерлеринде жаан-чачын катуу жаашы күтүлөт.
Бийик тоолуу райондордо жолдор тоңголок жана тайгак болот. Батыштан соккон шамалдын ылдамдыгы секундасына 4-9 метрден, 20-майда күндүз айрым жерлерде 15-20 метрге жетет.
Абанын температурасы:
Чүй өрөөнүндө түнкүсүн 9…14, күндүз 15…20;
Талас облусунда түнкүсүн 6...11, күндүз 14...19;
Баткен, Жалал-Абад, Ош облустарында түнкүсүн 12...17, күндүз 20...25;
Ысык-Көл облусунда түнкүсүн 8...13, күндүз 15…20;
Нарын облусунда түнкүсүн 5...10, күндүз 15...20 градус жылыйт.
Бишкек шаарында мезгил-мезгили менен жаан жаап, күн күркүрөшү күтүлөт. Батыштан соккон шамалдын ылдамдыгы секундасына 4-9 метрге жетет. Абанын температурасы түнү 12…14°, күндүз 16…18° жылуу болот.
