Жаз айларында жаан-чачын тынымсыз жаагандан улам Ноокен районуна караштуу Эски-Масы суусунун ичиндеги тосмонун түбүн желип кеткен. Натыйжада суунун нугунун 400 метр аралыгы 3 метрге чейин тереңдеп, жергиликтүү тургундардын үйлөрүнө, ички чарбалык жолдорго, сай жээгинде курулган соода түйүн, тамактануучу жайларга кооптонуу жаралган. Ушундан улам турак жайларды башка аймакка көчүрүү чечими чыккан.
Ал эми суу жээгиндеги коммерциялык имараттар бузулат. Өзгөчө кырдаалдар министрлиги суу жээгинен 75 метр аралыктакурулуштарын курбоо талабы бардыгын эскертти.
10-11-майда нөшөрлөп жааган жаандан улам, Жалал-Абад облусунун айрым аймактарында сел жүргөн. Дарыяларда жана сайларда суунун деңгээли көтөрүлүп, автоунаа жолдорго кум-шагыл толуп калган. ӨКМ учурда селдин кесепеттерин жоюу иштери жүрүп жатканын маалымдады. (ZKo)
