6-апрелде түштөн кийин жана кечинде Бишкек жана Чүй облусунун аймагында батыштан соккон ылдымдыгы секундасына 15-20 метрге жеткен катуу шамал болот. Бул тууралуу Өзгөчө кырдаалдар министрлиги кабарлады.
Министрлик элди шамал учурунда коопсуз жайда, электр зымдарынан жана бак-дарактардан алыс болууга жана автоунааларын токтотууга чакырууда.
28-мартта Бишкек, Чүй аймагында ылдамдыгы секундасына 18-26 метрге жеткен шамал болгон. Социалдык тармактын колдонуучулары шамал Бишкекте бир нече имараттын чатырын учуруп, бак-дарактар кулап, автоунааларды басып калганы тартылган сүрөт-видеолорду жарыялашкан.
Шамалдан борбор калаа Бишкектин тарткан чыгымы 16 млн сом, ал эми Чүй облусуна келтирилген чыгым 28,5 млн сом деп эсептелди.(ZKo)
