СДПКнын штабындагы тинтүү, Карамушкина, Турксевер кармалды

13-ноябрдын кечинде Бишкекте "Социал-демократтар" партиясынын штабында тинтүү жүрдү. Аны улай партиянын Бишкектеги штабынын башчысы Ирина Карамушкина менен Данияр Чолпонбаев аттуу жарандын сүйлөшүүсү делген аудио тарады. Мурдагы президент Алмазбек Атамбаевдин улуу Кадыр Атамбаев менен Темирлан Султанбеков шаардык милицияда бир нече саат сурак берип чыкты. Партиянын Бишкектеги штаб башчысы Ирина Карамушкина жана тарапташы Роза Турксевер кармалганы маалым болду.