Түркия авторитардык башкаруудан арылабы?

Түркияда жекшембидеги муниципалдык шайлоолордун алдын ала жыйынтыгы боюнча баш калаа Анкара, Стамбул, Измир, Анталия жана Бурса сыяктуу 14 ири шаарда оппозициячыл Элдик-республикалык партия 37% добушка ээ болуп, атаандаштарынан алдыда келе жатат. Бийликтеги "Адилеттүүлүк жана Өнүгүү" партиясы жарышта экинчи орунда ээлеп, 22 жылдык башкаруусунда биринчи жолу шайлоодо утулду. Президент Режеп Тайып Эрдоган жеңиштен кол жууганын мойнуна алса, Стамбул мэрлигине талапкер Экрем Имамоглу авторитардык башкаруу соңуна келгенин кыйытты.