Президент Садыр Жапаровдун жарлыгына ылайык, Көз карандысыз мамлекеттер шериктештигинин (КМШ) Экономикалык кеңешиндеги Кыргызстандын өкүлү Айгүл Рыскулова ээлеген кызматынан бошотулду.
Рыскулова бул кызматта 2020-жылдын февралынан бери иштеп келе жаткан.
Мамлекет башчынын дагы бир жарлыгы менен аталган кызматка Улукбек Кармышаков дайындалды Кармышаков Стандартташтыруу жана метрология борборун жетектеп келген. Ага чейин Кыргыз-өзбек өнүктүрүү фондунун төрагасынын орун басары болгон.
КМШнын Экономикалык кеңеши социалдык-экономикалык кызматташтык маселелери боюнча уюмдун алкагында кабыл алынган макулдашуу, мамлекет башчылар кеңешинин жана өкмөт башчылар кеңешинин чечимдеринин аткарылышын көзөмөлдөйт. (ZKo)
