Газа: Гумжардам күткөн 100дөн ашуун адам набыт болду

БУУнун баш катчысы Газадагы соңку трагедиялуу окуяны кылдат иликтөөгө чакырды. 29-февралда Газа шаарында гуманитардык жардам алууга келген 100дөн ашуун адам набыт болуп, ондогон киши жараат алды. Буга чейин бир катар маалымат агенттиктери Израилдин жоокерлери тургундарга ок атканын кабарлаган. Израил армиясы гумжардам келгенде чогулгандар кымгуут түшүп, кишилер тепсендиде жана жүк ташыган машиненин алдында калып өлгөнүн билдирди.