Саламаттык сактоо министри Алымкадыр Бейшеналиев, Жогорку Кеңешинин депутаты Таалайбек Масабиров баштаган тийиштүү мамлекеттик органдардын өкүлдөрү олимпиадага чейин спортчуларга дары-дармек сатып алуу көйгөйүн талкуулашты.
Алар кыз-келиндер күрөшү залына барып, Парижде боло турган жайкы олимпиада оюндарына байланыштуу көйгөйлөр, аларды чечүүнүн жолдору талкууланды.
Ушу тапта 2024-жылкы Париж Олимпиадасына Кыргызстандын эсебинде беш жолдомо бар. Былтыр грек-рим күрөшүнөн Жоламан Шаршенбеков, Акжол Махмудов, кыз-келиндер күрөшүнөн Айпери Медет кызы, Айсулуу Тыныбекова Олимпиадага жолдомо алган. Андан тышкары суучул Денис Петрашов да Жапонияда өткөн Дүйнө чемпионатынын жыйынтыгында Олимпиадага катышууга лицензия уткан. (TSh)
