Өзгөчө кырдаалдар министрлигинин (ӨКМ) басма сөз кызматы 8-январда Балыкчы шаарында Озерная кѳчѳсүндөгү кѳлмѳдѳ муз тээп жатып сууга түшүп кеткен эки бала куткарылганын билдирди.
Мекеменин маалыматына ылайык, окуя болгон жерде төрт куткаруучу иштеп, алар чала тоңгон көлмөнүн музун жиреп сүзүп барып, балдарды куткаруучу шаймандардын жардамы менен аман алып чыгышкан.
Жабыркагандарга алгачкы медициналык жардам көрсөтүп, “Тез жардам” кызматына өткөрүп беришкен. Балдардын абалы жакшы экени, ооруканада дарыгерлердин көзөмөлүндө жатканы айтылды. (BTo)
Дагы караңыз
