Кыргызстандын Тышкы иштер министрлигинин (ТИМ) консулдук департаментинин жетекчиси Алмаз Букалаев “Азаттыкка” эки жылда Орусиядагы кыргызстандык мигранттардын саны 200 миңге чейин азайганын билдирди. Бул өлкөдө расмий эсепке караганда, азыр Кыргызстандын 400 миңдей жараны жашап, иштеп жатат.
Ал ушул тапта мигранттар Түркияга, Европага, Араб өлкөлөрүнө жана АКШга кетип жатканын айтты.
Жалпысынан учурда Кыргызстандын 800 миң жараны чет өлкөлөрдө эмгек мигранты болуп жүрөт. Бейрасмий маалыматтарда чет жактагы мигранттар 1 миллиондон ашат.
Буга чейин Министрлер кабинетинин төрагасы Акылбек Жапаров 30 жылдын ичинде 650 миңден ашык кыргызстандык Орусиянын жарандыгын алганын айткан. (КЕ)
Дагы караңыз
