Израилдин армиясы Газага бир суткада абадан 250дөн ашык сокку урганы кабарланды. Тилкеде оруканалар жарым-жартылай иштеп, гуманитардык жардам өтө аз кирип жатканы айтылууда. Ал тапта Улуттар Уюмунун Башкы ассамблеясы көпчүлүк добуш менен Газа тилкесиндеги ок атышууну дароо токтотууга чакырган резолюция кабыл алды. Израилдин уюмдагы элчиси резолюцияда АКШ жана Евробиримдик террордук уюм деп тапкан ХАМАСты айыптоо жок болгондуктан, аны “эки жүздүү” деп атады. АКШ президенти Жо Байден болсо Нетаньяхуну сындап, ал өзгөрүшү керек экенин кыйытты. Кененирээк Элвира Будайчиева баяндайт.
Улуттар Уюму Газада ок атууну тезинен токтотууга чакырды
Израил армиясы Газага бир суткада абадан 250дөн ашык сокку урганы кабарланды. Тилкеде ооруканалар жарым-жартылай иштеп, гуманитардык жардам өтө аз кирип жатат. Ал тапта БУУнун Башкы ассамблеясы көпчүлүк добуш менен Газа тилкесиндеги ок атууну тезинен токтотууга чакырган резолюция кабыл алды.
