Ташиевдин билдирүүсү: Түмөнбаевдин мандаты, Жапаровдун кызматы

Улуттук коопсуздук боюнча мамлекеттик комитеттин (УКМК) жетекчиси Камчыбек Ташиев Министрлер кабинетинин төрагасы Акылбек Жапаровдун жана депутат Акылбек Түмөнбаевдин кримтөбөл Камчы Көлбаевге байланышы аныкталса жоопко тартыларын айтты. Ал уюшкан кылмыштуу топторго каршы күрөш тууралуу соңку билдирүүсүндө Камчы Көлбаев, Райымбек Матраимов менен ымаласы бар мамлекеттик кызматкерлердин канчасы кызматтан алынганы тууралуу да так сандарды жарыялады. Башкы чекист акыркы эки айга чукул убакыт ичинде уюшкан кылмыштуу топторго каршы күрөш боюнча бир нече жолу билдирүү кылды.