Бишкек шаарынын мэри Эмилбек Абдыкадыров кызматтан алынганын бүгүн 31-октябрда “Азаттыктын” өз булактары кабарлашты. Анын ордуна Айбек Жунушалиев келгени белгилүү болду.
Кыргызстандын азыркы мыйзамдары боюнча, Бишкектин башчысын дайындоо жана кызматтан алуу укугу президентте.
47 жаштагы Жунушалиев Бишкекти 2021-жылдын август айынан 2022-жылдын февралына чейин башкарган. Кийин ал президенттик администрациянын президенттин жана Министрлер кабинетинин чечимдерин аткарууну көзөмөлдөө башкармалыгынын жетекчиси болуп дайындалып, ушул кызматты аркалап келаткан.
Эмилбек Абдыкадыров Бишкектин мэри болуп 2022-жылы февралда дайындалган.
