Орусия оккупациялап алган аймактарга репортаж даярдоо максатында жөнөп кеткен украиналык журналист Виктория Рощина дайынсыз жоголгонун The Daily Beast жазды. Басылма ал үй-бүлөсү менен 3-августтан бери байланыша электигин маалымдады.
Атасы Владимир Рощиндин айтымында, Украинанын коопсуздук кызматы Викторияны орустар кармап кеткенин тастыктаган. Журналист орус түрмөлөрүндөгү украиналык туткундардын арасында болушу мүмкүн экени болжолдонууда.
Атасынын белгилешинче, 27-июлда Рощина а дегенде Польшага барып, андан ары Украинанын чыгышындагы оккупацияланган аймактарга Орусия аркылуу үч күндө жетиши керек болчу.
Виктория Рощина "Эркин Европа/Азаттык" радиосу үчүн бир катар репортаждарды жасаган. 2022-жылы радио менен фрилансер катары кызматташкан. Андан тышкары, "Украинская правда" жана башка басылмаларга макалаларды жазган.
Эл аралык аялдар медиа фонду Рощинанын дайынсыз жоголушуна тынчсыздануу билдирди. "Комчулукту 2022-жылы "Журналистикадагы эрдик" сыйлыгын алган Виктория Рощинанын жагдайына көңүл бурууга чакырабыз", - деп айтылат фонддун кайрылуусунда.
