Жалал-Абад шаарында эс алуучу жайлардын биринде 35 жаштагы жаранды сегиз жолу бычак менен сайган шектүү кармалды. Бул тууралуу “Азаттыкка” Жалал-Абад облустук иштер башкармалыгынын басма сөз кызматы билдирди.
Мекеменин маалыматына ылайык, окуя 7-сентябрга караган түнү болгон. Жабырлануучу Жалал-Абад облустук клиникалык ооруканасынын жандандыруу бөлүмүнө жаткырылган. Бул окуя боюнча Жалал-Абад шаардык ички иштер бөлүмү кылмыш ишин козгоп, соттук-медициналык экспертиза дайындалды.
Ыкчам-иликтөө иштеринин жыйынтыгында Сузак районунун Таш-Булак айыл аймагынын 19 жаштагы тургуну кармалып, убактылуу кармоочу жайга киргизилген. Социалдык тармактарда көчөдө колу-буту канжалаган адам жатканы тартылган видеолор тарап жатат. (BTo)
Дагы караңыз
