Мамлекеттик ишмер Жаныш Рустенбеков 74 жашында көз жумганын Тышкы иштер министрлигинин басма сөз кызматы 11-июлда билдирди.
Рустенбеков 1993-1995-жылдары мамлекеттик катчы, президенттин администрациясынын жетекчиси, кийин Ош облусунун губернатору, Токой чарба агенттигинин директору болуп иштеген.
2000-2005-жылдары Жогорку Кеңештин Эл өкүлдөр жыйынынын депутаты, 2005-2007-жылдары өзгөчө кырдаалдар министри болуп турган.
2007-2022-жылдары Кыргызстандын Казакстандагы, Түркмөнстандагы жана Тажикстандагы элчиси кызматын аркалаган.
Маркум эмнеден улам кайтыш болгону, тажыясы качан болору жана сөөгү кай жакка коюлары маалымдала элек.
