"Талибандын" тушундагы зордук-зомбулук жана аялдардын абалы

Ооганстанда «Талибан» кыймылы бийликке кайтып келген эки жылда миңден ашуун тургун зордук-зомбулуктун курмандыгы болду. Бул тууралуу БУУнун Ооганстандагы миссиясынын баяндамасында айтылат. Андан тышкары, азык-түлүк коопсуздугу жана социалдык көйгөйлөр да адам өлүмүнүн көбөйүшүнө түрткү болгон. Эл аралык уюм өлкөдөгү кыз-келиндердин жагдайы өзгөчө көңүл бурууну талап кылган көйгөй экенин белгилейт. Ал эми “Талибан” бийлиги "аялдар бакубат турмуш кечирип жатканын" билдирип, башкаларды Ооганстандын ички иштерине кийлигишпөөгө чакырууда.