Улуттук коопсуздук мамлекеттик комитетинин борбордук аппаратынын жаңы имаратынын курулушу башталды.
УКМКнын маалымат кызматы 29-майда билдиргендей, пайдубалга капсула салуу иш-чарасына мекеменин Камчыбек Ташиев баштаган жетекчилери, ардагерлер катышты.
Ташиев анда заманбап имараттын курулушу менен коопсуздук кызматкерлери ишинин натыйжасы жогорулай турганын белгиледи.
16-майда УКМКнын Сокулук райондук бөлүмүнүн имараты капиталдык оңдоодон өткөнү белгилүү болгон. Былтыр мартта атайын кызматтын академиясынын имараты курула баштаган.
2021-2022-жылдары бир катар район жана шаарларда мекеменин жаңы имараттары курулду. Ташиев курулушка кеткен каражаттар тууралуу маалымат берген эмес.
