“Эркечтам”: чакырымдаган кезек, чаалыккан айдоочу
Кытайдан жүк ташыган айдоочулар “Эркечтам” өткөрмө бекетинин иштөө тартибин жакшыртууну талап кылууда. Бир канча чакырымга созулган кезекте турган ондогон айдоочу чек арадагы бажы көзөмөл бекетиндеги тейлөөгө нааразы. Кытайдан Кыргызстанга кире албай кезек күткөндөр да арбын экени маалым болду. Кытайдан кайтып келаткандар тыгында туруп, жумалап тамак-ашсыз калганын "Азаттыкка" айтып беришти. Бажы кызматы чек арадагы тыгынга айдоочулар менен жүк ээлеринин да күнөөсү бардыгын билдирди.