"Баары кымбат, сүт арзан". Таластагы нааразылык
Таласта акыркы 10 күндөн бери мал баккандар сүтүн заводго өткөрүүнү токтотушту. Буга сүттүн баасынын төмөндөшү себеп болгон. Сүттү кайра иштетүүчү заводдун өкүлдөрү дүйнөлүк рынокто сүттүн баасы түшүп кеткенин айтууда. Бүгүн, 13-апрелде жүздөн ашык тургун Талас облустук администрациясынын алдына чогулду. Алар президент Садыр Жапаровго, Министрлер кабинетинин төрагасы Акылбек Жапаровго кайрылып, сүттү арзан алып жаткан айрым заводдорду жабууну талап кылышты.