АКШнын Кентукки штатындагы Луисвилл шаарындагы атышууда беш киши каза болуп, дагы алтоо жараат алганын CNN кабарлады.
Окуя 10-апрелде шаардын борборунда Old National Bank филиалынын жанында болгон. Полиция элге ок аткан кылмышкер жок кылынганын билдирди.
Каза болгондордун тек-жайы такталууда. Жараат алгандардын арасында полиция кызматкери да бар.
Gun Violence Archive (Куралдан жасалган зордук-зомбулук архиви) маалыматына ылайык, 2023-жылдын башынан бери АКШда 129 жолу жапырт адам өлтүргөн окуя болду.
27-мартта Теннесси штатынын Нэшвилл шаарындагы The Covenant мектебине кол салууда алты адам, анын ичинде үч бала каза болгон.
