Өзгөчө кырдаалдар министрлиги Ысык-Көл облусунун Жети-Өгүз районунун бороондо калган эки тургуну аман-эсен табылып 10-апрелде маалымдады.
51 жана 34 жаштагы эки киши 7-апрелдин кечинде машине менен Ак-Шыйрак айылынан Барскоонго чыгып кеткен бойдон дайынсыз болуп, изделип жаткан.
Издөө иштерине ӨКМдин куткаруучулары, жол тейлөө ишканасынын техникасы, “Кара-Сай” чек ара тозотунун чек арачылары тартылган.
Министрликтин маалыматына караганда, аларды чек арачылар "Кара-Сай" тозотунан 18 чакырым алыс жерден табышкан. Экөөнүн тең абалы жакшы. (BCh)
