Эпидемиологиялык кырдаалга байланыштуу Кыргызстанда 168 бала бакча карантинге жабылды. Бул тууралуу Билим берүү жана илим министрлигинин басма сөз кызматы билдирди.
Маалыматка караганда, Чүй облусунда 50, Баткенде эки, Ысык-Көлдө 18, Нарында төрт, Жалал-Абадда 19 жана Таласта 75 мектепке чейинки билим берүү уюму убактылуу жабылды. Өлкөдө баш-аягы 1712 бала бакча бар.
Андан тышкары балдар арасында курч респиратордук жугуштуу оорулар көбөйгөндүктөн, 509 мектеп онлайн окутууга өттү.
Ооруларды алдын алуу жана санитардык-эпидемиологиялык көзөмөл департаменти Кыргызстанда соңку аптада сасык тумоого чалдыккандар дээрлик 1,5 эсе көбөйгөнүн кабарлаган. (BTo)
Дагы караңыз
