Кыргызгидромет кызматы кабарлагандай, 27-октябрга караган түнү Чүй, Талас, Жалал-Абад, Ысык-Көл, Нарын облустарынын айрым жерлеринде жамгыр, тоолуу райондордо кар жаашы мүмкүн. Күндүз Чүй, Талас, Ысык-Көл облустарынын көпчүлүк аймактарында, Жалал-Абад, Нарын облустарынын айрым жерлеринде жаан, тоолуу райондордо кар жаайт. Батыш тараптан жел согуп турат.
Абанын температурасы:
Чүй өрөөнүндө түнкүсүн 2...7, күндүз 5...10,
Талас жергесинде түнкүсүн -1...+4, күндүз 4...9,
Баткен, Ош, Жалал-Абад облустарында түнкүсүн 1...6, күндүз 8...13,
Ысык-Көл дубанында түнкүсүн -2...+3, күндүз 8...13,
Нарын облусунда түнкүсүн -3...+2, күндүз 6...11,
Бийик тоолуу райондордо түнкүсүн -12...-17, күндүз -1...-6°.
Бишкек шаарында күндүз мезгил-мезгили менен жамгыр жаашы мүмкүн. Түнкүсүн 6...8, күндүз 7...9° жылуу болот.
