“Кыргыз темир жолу” мамлекеттик ишканасы 17-21-октябрь күндөрү Бишкек-Нарын-Торугарт жолунун 131-чакырымы (Боом капчыгайы) саат 9:00дан 15:00кө чейин убактылуу жабыларын билдирди.
Бул убакыт аралыгында аталган аймакта жолдун боюндагы кооптуу таштар түшүрүлүп, тазаланат.
Таш кулатуу учурунда жолдун бир тарабы жабык болот. 30-40 машине чогулган сайын иш убактылуу токтотулуп, машинелер өткөрүлүп турат.
Кооптуу таштарды кулатуу иштери өткөн аптада Бишкек-Торугарт жолунун 129-чакырымында жүргүзүлгөн.
Бишкекти Ысык-Көл жана Нарын облустары менен байланыштыруучу негизги автожолдун 25 чакырымдайы Боом капчыгайы аркылуу өтөт.(ZKo)
Дагы караңыз
