Президент Садыр Жапаров чакан жана орто ишкерликти колдоо тууралуу жарлыкка кол коюп, өкмөткө көзөмөл-кассалык аппараттар (ККМ) боюнча айыппул өлчөмүн жана бирдиктүү салык ставкасын төмөндөтүү чараларын көрүүнү тапшырды. Бул тууралуу мамлекет башчынын маалымат кызматы бүгүн 28-июлда билдирди.
Министрлер кабинетине тийиштүү мыйзам долбоорлорун иштеп чыгып, Жогорку Кеңештин кароосуна киргизүү тапшырмасы берилди. Ал эми Улуттук банкка коммерциялык банктардын көзөмөл-кассалык функциясы бар POS-терминалдарды милдеттүү түрдө колдонуусун камсыздоо талабы коюлду.
Өкмөттүн соода жайларында ККМ киргизүү аракети ишкерлердин каршылыгын жаратууда. Буга байланыштуу нааразылык акциялары Бишкекте жана аймактарда бир нече жолу уюштурган. (RK)
