Садыр Жапаров: Биргелешкен орток телеканал ачып, ал жерде элибиздин экономикасы, жашоо-турмушу, маданият, киносу тууралуу маалымат берип турсак туура деп ойлойм.
Түркмөнстандын президенти Сердар Бердымухамедов аймактагы туруктуулук, ишеним тууралуу сөз кылды. Анда беш мамлекеттин Тышкы иштер министрликтери аркылуу кызматташууну күчөтүү керектигин белгиледи.
Өзбекстандын президенти Шавкат Мирзиёев: Талдоолор оң жылыштар бар экенин көрсөткөнү менен биздин мамлекеттердин соода-экономикалык алака-катышы дагы деле толук ачылбай турат. Ушундан улам биз өз ара соода-сатыкка түрткү берүүнүн жаңы жол-жобосун, ыкмасын жигердүү киргизүүнү сунуштайбыз. Сөз чек арадагы соода-сатык, товарларды алып өтүүнүн жөнөкөйлөштүрүү жол-жобосу тууралуу болуп жатат.
Тажикстандын президенти Эмомали Рахмон Борбор Азия лидерлеринин жыйынында сөз сүйлөп, Ооганстандагы кырдаал дайыма чөлкөмдүн көңүл борборунда болушу керектигин белгиледи. Ал бул өлкөдө болуп жаткан окуялар жалпы Евразия аймагынын геосаясий абалдын туруктуулугуна таасирин тийгизиши мүмкүн экенин айтты.
