Касым-Жомарт Токаев: Чек араны тынчтык менен өз ара сыйлашуу жолу менен чечүү керек. Кечиктирүү жакшылыкка алып келбейт. Казакстан чек арасын толук чечкен. Чек ара маселесин чечүүгө эксперттер, тажрыйбалуу юристтер, картографтар катышышы керек. Казакстан жардам бере алат.
Касым-Жомарт Токаев: Чек арада хабдарды ачып, товар жүгүртүүнү жакшыртуу керек. Өзбекстан, Кыргызстан менен мындай ишти баштадык. Тажикстан менен сүйлөшүп жатабыз. Түркмөнстан менен дан кампасын биргелешип куруу боюнча сүйлөшүү жүрүп жатат.
Касым-Жомарт Токаев: Аралдагы абалды жакшыртуу зарыл. Суунун көлөмү акыркы жылдарда 20-30% азайды. Ошон үчүн Кыргызстандын 2022-жылды Тоо жылы деп жарыялоо демилгесин, ал эми Тажикстандын 2025-жылды Мөңгүлөрдү сактоо жылы деген демилгесин колдойбуз. Казакстанда азыр 2700 мөңгү бар. Айрымдары өтө тездик менен эрип жатат. Туюк-Суу мөңгүсү акыркы жылдарда эле бир чакырымга чегинип, эрип кетти.
Кечээ үч президент менен ушул маселелерди талкууладык. Гидросистемаларды акыл менен пайдаланууну көздөп жатабыз. Кыргызстан менен бул жаатта фонд түзүп, анын алкагында кызматташабыз.
Касым-Жомарт Токаев: Маалымат каражаттарында коңшу мамлекеттерде эмне болуп жатканын чагылдыруу аксайт, маалымат ачкачылыгы бар. Ошол себептүү орток телеканал же маалымат сайтын ачуу зарыл.