Өзгөчө кырдаалдар министрлиги аба ырайына байланыштуу чукул кабар таратты. Ага ылайык, 30-майда нөшөрлүү жаан-чачынга байланыштуу дарыяларда суунун деңгээли көтөрүлүшү мүмкүн. Республиканын тоо этектеринде жана тоолуу райондорунда сел жүрүү коркунучу бар.
Май айындагы катуу жааган жаандан улам өлкөнүн дээрлик бардык аймагында сел жүрүп, бир топ турак-жай жарактан чыкты. Короолор, жолдор жана көпүрөлөр бузулуп, ондогон гектар айдоо аянтын сел жууп кетти.
ӨКМ ушул күндөрү сел жууп кеткен бир катар аймактарда тазалоо иштери жүрүп жатканын кабарлады. (КЕ)
